Son 14 il ərzində ÜDM 3,2 dəfə, sənaye istehsalında 2,6 dəfə, əhalinin adambaşına düşən gəliri 7,2 dəfə, əməkhaqqı 6,8 dəfə artıb.

Oxu.Az xəbər verir ki, bunu parlamentin bu gün keçirilən plenar iclasında sədr Artur Rasi-zadə deyib.

Onun sözlərinə görə, bu müddətdə 1 mln. 900 mindən çox iş yeri açılıb: 

"Yoxsulluq səviyyəsi 44,7 faizdən 5,4 faizə enib. Ölkənin strateji valyuta ehtiyatları 26,6 dəfə artaraq 2017-ci ilin sonuna 42 milyard dollar təşkil edib".

A.Rasizadə qeyd edib ki, neft-qaz sənayesinin aparıcı rolu ölkənin nüfuzunun artmasına öz töhfəsini verəcək və digər sahələrin inkişafına kömək edəcək.

O, sonra Qarabağ münaqişəsinə toxunub və qeyd edib ki, münaqişənin həllində ciddi dönüşə nail olunmayıb.

Onun sözlərinə görə, ordu quruculuğu ilə bağlı vəziyyət hər gün ölkə prezidentinin diqqətinə çatdırılır.

Baş nazir qeyd edib ki, münaqişənin həllində Azərbaycan sülh danışıqlarına üstünlük versə də, ölkənin ordu quruculuğu gündən-günə gücləndirilir.

Prezident seçkilərindən danışan baş nazir Azərbaycan xalqının düzgün və müdrik seçim edəcəyini, ən layiqli namizədə səs verəcəyini bildirib.

Kamil HƏMZƏOĞLU