Azərbaycanın Rusiyadakı səfirliyinin müşaviri Vüqar İmaməliyev tədbirdə çıxış edib.

İftardan əvvəl Azərbaycan ruhanilərinin nümayəndəsi müqəddəs Qurandan surə və iftar duası oxuyub.

Sonra Moskva müsəlmanları iftarlarını açıb, Azərbaycan milli mətbəxinin yeməklərini və şirniyyatını dadıblar.

İftar mərasimində Azərbaycanda multikulturalizm mövzusuna həsr olunmuş "Bir günəş altında" filmi nümayiş etdirilib. "Bakı" ansamblının və müğənni Samir Salamın ifasında milli musiqi nömrələri səslənib, Azərbaycanı daha yaxşı tanımaq mövzusunda viktorina keçirilib. Gecənin iştirakçıları Azərbaycan tarixinə dair suallara cavab veriblər. Qaliblərə xatirə hədiyyələri təqdim edilib.

Qeyd edək ki, Leyla Əliyevanın təşəbbüsü ilə "Poklonnaya qora"da hər il təşkil edilən "Ramazan çadırı" Rusiya Müftilər Şurasının mühüm layihəsi olub, xalqlar arasında dostluğun möhkəmləndirilməsi, Moskvada yaşayan və islam dininə etiqad bəsləyən çoxsaylı xalqların nümayəndələrinin birləşməsi məqsədi ilə həyata keçirilir. Heydər Əliyev Fondunun Rusiya Federasiyasındakı nümayəndəliyi Leyla Əliyevanın rəhbərliyi ilə hər il bu layihədə fəal iştirak edir, dindarlar üçün iftar süfrəsi açır.